Canopy...13.1.08
Seili chruez u quer duere Dschungel gspannet...u Turis wo im Chlaettergstaeltli wie Affe dran umehange u vo eire Plattform zur angere "fahre"...das isch Canopy! Das hei mir natuerlech o woeue mache...Fun, Fun, Fun,...
Mit em ne Chlaettergstaelt, Helm u Haendsche usgrueschtet het de dr Spass agfange. Uebrigens...shei de aui Luet so bedeppet usgseh wie mir drei;-) Mi wird bim Seili ighaenkt u naer "fluegsch" vom einte Boum zum Andere. Maengisch zmittst duere Dschungel u maengisch chasch o vo obe uf d Boeim abe luege. Laeck het das gfaegt.
Am Afang het ues ae Guide no e Ueberrschig versproche...
...si saege daem TARZANSPRUNG...
...wo i das ha gseh hei miner Choei scho hurti chli gschlotteret u mis Haerz het scho chli klopfet...scho vorem Sprung...u de ersch nachhaer!
Vore Plattform obe het me sech ids Seili la gheie u naer bisch hin u haer gschwunge wie Tarzan are Liane...
Auso...waer ir naechschte Zit eis in Costa Rica isch ( git ja da oepper wo i kenne...Schuebi...ae guete Flug )...Canopy is a must on your Trip!!!
2 Kommentare:
du, was hani da uf der Startsite für ne AEK Link gfunde:-) henne der FAN?? wirsch wenigschtens no gsponseret??? :-)
Buenas Noches, Anita
hallo caro, toent bis itz raecht abentuerlich was de i dim blog hesch... mir hei itz grad a wuche ferie gha u hei chli s snowboarde gnosse bi herrlichem waetter u guete piste... as doerft aber ume mau a chli schnee gae. mir wuensche dir witerhin a gueti reis. liebs gruessli anne u urs
Kommentar veröffentlichen