Ume feschte Bode unger de Fuess...di erschte Taeg in Kolumbien...
Hola!
Mir zwo hei auso dr Saeguturn uf Kolumbien guet ueberstande u di erschte Taeg z Kolumbien i volle Zueg choenne gniesse.
Mir si imne gmuetleche Hostel abgstiege ( guet d Gaegend isch ir Nacht nid grad di sicherschti gsi ), afa mau gwoeschet u ume eis oeppis astaendigs gaesse.
D Kolumbianer si auso sehr fruendlechi u ufgschlosseni Luet. Mi fuehlt sech auso grad wohl hie.
A uesere Sprach hei si emu u Froeid gha im Hostel...we mir si cho hets aube toent...buenos dias...ch ch ch ch...
Cartagena isch zwar chli turistisch aber nach fuef Taeg ufem Schiff isches eigentlech glich wie, wo, was u wenn;-)
Hie es paar Bildli vo Cartagena...Dulces ( si stoeh hie extrem uf Suesses ), Cartagena viejo u e typische Coiffeursalon ( loeht nech la ueberrasche, mir hei beidi noeii Frisure;-))
Mir si auso lernfaehig...us sicherheitsgruend loufe mir beidi wie di letschte Penner dasume...mit Plastigsack statt Rucksack...so faut me hie chli weniger uf...oder so!
Es wimmlet hie eifach nume so vo Polizischte...zum Teil hei si zwar nume d Ufgab e Ghuederchuebu z bewache...oder mit schoene Turischtinne z flirte;-)
Maengisch isch me im Laebe wuerklech zur richtige Zit am richtige Ort...
...mir hei naehmlech e totali Mondfinschternis doerfe beobachte...
...u si per Zuefau anes Livekonzaert haeregloffe...
Ja, das waers ume mau gsi...d Reis geit scho gli witer Richtig Taganga...dr Name toent emu scho mau spannend.
Adios u bis gli!
A uesere Sprach hei si emu u Froeid gha im Hostel...we mir si cho hets aube toent...buenos dias...ch ch ch ch...
Cartagena isch zwar chli turistisch aber nach fuef Taeg ufem Schiff isches eigentlech glich wie, wo, was u wenn;-)
Hie es paar Bildli vo Cartagena...Dulces ( si stoeh hie extrem uf Suesses ), Cartagena viejo u e typische Coiffeursalon ( loeht nech la ueberrasche, mir hei beidi noeii Frisure;-))
Mir si auso lernfaehig...us sicherheitsgruend loufe mir beidi wie di letschte Penner dasume...mit Plastigsack statt Rucksack...so faut me hie chli weniger uf...oder so!
Es wimmlet hie eifach nume so vo Polizischte...zum Teil hei si zwar nume d Ufgab e Ghuederchuebu z bewache...oder mit schoene Turischtinne z flirte;-)
Maengisch isch me im Laebe wuerklech zur richtige Zit am richtige Ort...
...mir hei naehmlech e totali Mondfinschternis doerfe beobachte...
...u si per Zuefau anes Livekonzaert haeregloffe...
Ja, das waers ume mau gsi...d Reis geit scho gli witer Richtig Taganga...dr Name toent emu scho mau spannend.
Adios u bis gli!
1 Kommentar:
Hallo liebi Caro
Ändlech hani mau Zyt Dir z'schribe! Mir isches ja fasch schlächt worde, woni vo öiem Sägu-Turn ha gläse, wär gar nüd gsi für mi. Offesichtlech hett's ds Cartagena immer no so viu Polizischte (oder isches zum Teil sogar Militär?). Das isch scho vor 13 Jahr eso gsi woni mau e Siuveschter dert ha verbracht! Hei d'Bus-Chauffeure immer no so e Kampf um d'Passagiere? Mir si denn mau ines Bus-Renne gratet, hett mi so umegschlüderet, dass i dr Gring ar Dechi ha agschlage! Auso Mädels, passet uf i wele Bus das Dir istiget...
Bi üs isch no einisch dr Winter cho, isch zimlech chaut worde u hett no einisch wyt abe gschneit. Isch natürlech guet für üs Ski-Freaks, aber nach Oschtere hani's de när öppe o mau gseh mit Schnee. Mir hei so e super Winter gha, bi eigentlech jedes Weekend uf dr Piste gsi u das bi meischtens prächtigem Wätter.
I ha jedes Mau wider Fröid weni es Föteli vo Dir gseh. Bi froh, dass es öich guet geit u Dir d'Reis so toll chöit gniesse. I wünsche uf jede Fau wyterhin viu interessanti Erläbnis u viu Spass bi de Südamerikaner! Häbet's luschtig
Muntsch vor Karin
Kommentar veröffentlichen