Dr Name het ueses Outo scho grad am erschte Tag uebercho...mir si ja ae ender chli steili, holpregi, loechregi Strass ufe gfahre u genau denn het ueses Outo scho z erscht mau gschtreickt...isch aeue chli z astraengend gsi u ueses Outo het sech aebe ufgfuehrt wi nes richtigs BIBI. Ke Meter het si meh woeue ufefahre...ersch mit viu Geduld u no haeufe stosse si mir de Meter fuer Meter d Strass zdueruf kragslet...
Ds BIBI fahrt sithaer meischtens sehr guet...gseht eifach nuemme so suber us, hett aber bis itz no jedi Holperstrass gsund ueberstande...u das isch auso es chliises Wunder!
Nume eifach oeppis geit nid...ds Faenschter uf dr Bifahrersite choei mir eifach nid uftue. U das itz ab u zue o chli heisser isch waer ja das schono so foeidal.
Guet...nid lang warte u eis zur Vermietstation fahre u ga frage...gesagt getan.
Mir frage ues itz eifach waer vo ues druene aech ds BIBI isch...piinlech, piinlech. Di Outo hie hei uf dr Bifahrersite ae Faenschtersicherig dinne...so choei d Chind ( oder Turis;-) ) nid mit em Faenschter spiele...ae eifache Chnopfdruck u diae isch dusse...tja, das wuesse mir, dank Hilf vo drue Ticos bir Vermietstation, itz o...
Keine Kommentare:
Kommentar veröffentlichen